Uribarri Ganboa: Uribarri Ganboako urtegitik Landara

Barneko itsasoaren ertzean.

Araban, espazio berean aurki daitezke bandera urdineko hondartzak eta izugarrizko ingurumen balioa duen ekosistema bat. Urtegiak Elgeamendin, Aizkorrin, Aratzen edo Entzian jaiotzen diren ibai eta ibaiadarren urak biltzen ditu. Ase dezagun barneko itsaso honi buruzko jakingura pixkanaka. Dena jarraian edo ibilaldi txikitan egin daiteke.

Uhateen orroa. Ikuskizuna

Euri ugarien garaian eta urtzaldian, urtegiak uhate guztiak zabaltzen ditu gainezka ez egiteko. Ur jauzi horien orroa benetako ikuskizun bihurtu da eta urtetik urtera selfie gehiagoren helburu izaten da. Hortik, presatik, abiatzen da urtegiaren ertzetik doan ibilaldi honen lehenengo partea.

Urpeko herriak. Oroitzapenen ibilaldia

Urtegi hau 1958. urtean inauguratu zen. Urpean utzi zituen Mendizabal eta Zuhatzu Ganboa. Azua, Larrintzar eta Garaio hustu egin ziren lurrak galdu zituztenean, Urizarren etxe bakar bat gelditu zen zutik eta Landa ere nabarmen murriztu zen. Ibilaldi honetan zehar aurkitzen dituzun etxebizitzak, gurutzeak eta elizak horien memoriaren zaindariak dira.

Postal moduko paisaia. Natura 2000 Sara

Elgeako mendizerrak, Gorbeia eta Urkiola inguruko mendiek eta Arabako Lautadako soroek inguratzen dute urtegia. Egun argitsu batean, argazkiak postal modukoak izaten dira. Hala ere, paisaia ederrekin batera, Euskadiko anfibio eta uretako hegazti urtar adierazgarrienetako zenbaiten argazkia ere egin ahalko duzu.

1. Ibilbidea presatik hasten da. Hor bertan aurkituko duzu 0 kilometroaren seinalea. Hartu Uribarri-Ganboako herrirantz abiatzen pista seinaleztatua, urtegiaren ertzetik doana.
   
2. Uribarri-Ganboa herriko kartel bat aurkituko duzu. Jarraitu 200 metro inguru eta hartu eskuinerantz doan bidea, ibilbideak adierazten duena eta herriaren erditik igarotzen dena.
3. Jo eskuinera eta hartu urtegiaren ertzetik doan pista.
4. Kontuz!
5. Zeharkatu errepidea: jo eskuinerantz. Zati hau urtegiko errepide nagusitik egingo duzu. Ibili kontuz.
6. Berriz ere eskuinaldetik doan ibilbide berdearekin bat egin dezakezu. 5 kilometroko ibilaldi polita da urtegi ertzetik.
7. Pista errepide zaharraren asfaltoan galtzen da. Egin 600 bat metro aurrera Landako aparkalekuraino.